السلام عليكم
وش رايكم نبدأ في مسابقة( اجمل رحله صيفيه)
::::..:::: موضوع المسابقه ::::..::::
مثل ما هو واضح من عنوانها هي عن رحلاتكم الصيفيه وسفراتكم
وهي تصوير اجمل الاماكن اللي زرتها او اغرب الاماكن او يوم كامل من رحلتك
او اي موضوع متعلق برحلتك الصيفيه..
اذا كانت المواضيع كثيره بنختار افضل 3 مواضيع ..واذا كانت قليله فبيكون الاختيار لموضوع واحد
والتقييم بيكون حسب جمال الاماكن او تميّز الموضوع وجودة التصوير والاخراج النهائي للموضوع
شروط المسابقه
1- تكون الصور كلها عن رحله صيفيه خارج مدينتك
2- عدد الصور ما يقل عن 5 صور.. لا يجيني واحد صتيمه ويقول خمس كثيره
لو تروح تصيف للبكيرية يمديك تصور خمسين صوره :36_1_35:
3-مدة المسابقه من اليوم الى بداية الدراسه ان شاء الله
4- الشرط هذا موجه لنكس ..
صور ملاهي ليليه وفجور وفسق مانبي لو سمحت يا ابو مســــــــاعد ههههههههههههههههههههههههه
ياحبي لك يا شيخ
اختيار الفائز والجائزه
بيكون فيه لجنة تقييم من 3 من المشرفين يشهد لهم بالتقوى والزهد والوَرَع والامانه والصدق
الوفاء والاخلاص <*****< ماتبي معهم شيخ الازهر؟
يعني بإذن الله ما راح يفوز الا الاجدر..
الجائزه الى الان ما قررنا وش بتكون لكن ان شاء الله بنحاول تكون مختلفه عن المسابقات
السابقه وبعلن عنها في وقتن لاحق
يالله شدوا حيلكم وسنّوا كاميراتكم وضبطوا لابتوباتكم علشان تاخذونها معكم..
واللي وده يشارك يشتري كاميرا رقميه والا جوال n95 مهوب يصور بجوال الدمعه
اللي تصور في القوايل وتجيك الصوره كنك مصورها في خرمس
والخرمس هو الظلام الدامس لغير الناطقين بلجة القراوى
الفائز صيحصل على وسام مقدم من طاقم الاشراف و 120 نقطة سمعة و قد نمنحه حق الاشراف اذا كان عضوا فعالا من الادارة
عدل سابقا من قبل Admin في الإثنين يوليو 04, 2011 3:02 am عدل 1 مرات
